ᐃᒥᐊᓗᒃ ᐋᓐᓂᐊᓯᐅᑎᑑᒪᓂᕐᓗ ᐳᕙᓪᓗᓱᓂ

	ᐃᓚᖏᑦ ᒪᒥᓴᐅᑏᑦ ᐳᕙᓪᓗᓇᕐᒧᑦ ᑎᖑᒻᒧᑦ ᐱᐅᖕᖏᑑᒍᓐᓇᒥᔪᑦ. ᐱᐅᖕᖏᑐᒋᐊᓪᓚᐅᒍᓐᓇᑐᖅ ᐳᕙᓪᓗᓇᕐᒧᑦ ᒪᒥᓴᐅᑏᑑᒪᔪᖅ ᐃᒥᐊᓗᖃᑦᑕᐸᑦ. ᐊᑕᐅᑦᓯᑯᑦ ᐳᕙᓪᓗᓇᕐᒥᒃ ᐋᓐᓂᐊᓯᐅᑎᑐᕈᑎᖃᕐᓗᓂ ᐃᒥᐊᓗᖃᑦᑕᓗᓂᓗ ᑎᓪᓗᐊᓂᔫᔭᕐᑐᖅ ᑎᖑᒻᒥᒃ. ᐃᓄᒃ ᐃᒥᐊᓗᐃᓐᓇᓲᖅ ᐊᐅᖏᕐᑕᐅᓕᕐᕿᑖᕐᑕᐅᑐᐃᓐᓇᕆᐊᓕᒃ ᖃᐅᔨᒪᔭᐅᒐᓱᐊᕐᑎᓗᒍ ᑎᖑᖓ ᖃᓄᐃᖕᖏᓯᐊᕋᓗᐊᕐᒪᖔᑦ ᐋᓐᓂᐊᓯᐅᑎᑑᒪᓗᓂ.

ᐃᕐᖄᒉᑐᖃᑦᑕᕆᐊᖃᕐᓂᒥᒃ ᓱᕐᕃᒪᒍᑎᒃ

ᐃᓚᖓᓂ ᐃᒥᐊᓗᖃᑦᑕᓂᖅ ᐱᔭᕆᐊᑦᑐᐃᓯᒪᒍᓐᓇᒥᔪᖅ ᐃᓄᐃᑦ ᐄᓯᒋᐊᕐᑐᖃᔦᓯᓲᖑᒻᒪᑕ ᐄᖃᒐᕐᒥᓂᓪᓘᓃᑦ ᐁᑦᓯᒍᓐᓀᖃᑦᑕᓱᑎᒃ.

ᐊᒥᓱᑦ ᐱᑦᔪᑎᐅᒍᓐᓇᑐᑦ ᑌᒣᒍᑎᐅᔪᑦ:

• ᐃᓚᖏᑦ ᐃᓄᐃᑦ ᐃᓱᕐᕆᖏᑦᑑᓕᕈᓐᓇᒪᑕ ᐃᒥᕐᑐᕕᓂᐅᓗᑎᒃ ᐋᓐᓂᐊᕕᓕᐊᕈᒪᖕᖏᑑᓚᕿᑦᓱᑎᒃ.

• ᐃᓚᖏᑦ ᑲᖕᖑᓱᓕᕐᓯᒪᑐᐃᓐᓇᕆᐊᖃᕐᒥᔪᑦ ᐄᖃᒉᑐᕆᐊᒥᒃ ᐃᒥᐊᓗᕙᕐᔪᐊᑐᕕᓂᐅᓗᑎᒃ.

• ᐃᓚᖏᑦ ᐃᓄᐃᑦ ᐃᒥᐊᓗᖃᑦᑕᓱᑎᒃ ᐳᐃᒍᕈᐊᕐᓂᓴᕈᓲᑦ ᐄᖃᒉᑐᕆᐊᖃᕐᓱᑎᒃ.