ᐳᕙᓪᓗᑐᖃᓕᕈᓂ ᐅᖁᒣᑦᑐᒋᐊᓚᐅᑎᑦᓯᔪᖅ ᐃᓅᓯᕐᒥᒃ

ᐃᓱᒪᒋᔭᖃᕆᑦ ᑭᓇᑐᐃᓐᓇᒥᒃ ᐳᕙᓪᓗᓱᓂ ᑲᒪᒋᔭᐅᒋᐊᖃᕐᓯᒪᔪᒥᒃ, ᐃᓱᒪᑦᓴᓯᐅᕈᑎᒋᑦᓯᐊᕈᒃ ᐅᓂᒃᑳᑕᐅᒍᑎᖓ ᐃᓕᓐᓂᐊᓕᕈᕕᑦ, ᐅᕝᕙᓗᓐᓃᑦ ᑕᕐᕋᓕᔮᓕᐊᖑᓯᒪᔪᖅ ᑕᑯᓐᓇᓗᒍ ᐅᕙᓂ ᐊᑖᓂᑦᑐᒥ ᓄᐃᑕᑎᑕᐅᔪᖅ.

ᓱᓇᓂᒃ ᑖᓐᓇ ᐃᓄᒃ ᐊᑦᓱᕉᑎᖃᕐᓂᖃ ᐳᕙᓪᓗᓱᓂ ᑲᒪᒋᔭᐅᒋᐊᖃᓕᕋᒥ? ᓱᓇᓂᒃ ᐃᑲᔪᕐᓯᒪᔭᐅᒍᑎᖃᕐᓂᖃ ᐳᕙᓪᓗᓂᕐᒦᓂᖓ ᐊᑦᓱᕈᕐᓇᖏᓐᓂᓴᐅᖁᓪᓗᒍ? ᖃᓄᐃᓕᒐᔭᕐᓯᒪᔪᓪᓕᑭᐊᖅ ᐃᑲᔪᕐᓯᒪᔭᐅᒍᑎᖃᕐᓂᖏᒃᑯᓂ?

ᑕᑯᒋᐊᕆᑦ ᐊᓪᓚᖑᐊᕐᓯᒪᔪᓂᒃ ᑭᖑᓪᓕᐅᓚᖓᔫᓐᓂ ᒧᕐᕉᓂ ᒪᑉᐱᒑᓐᓂ ᓄᐃᑕᑎᑦᓯᔪᓂᒃ ᐱᑦᔪᑎᐅᒍᓐᓇᑐᓂᒃ ᐃᑉᐱᓂᐊᕐᓂᐅᒍᓐᓇᑐᓂᓪᓗ ᓱᒧᑦ ᐳᕙᓪᓗᓇᖅ ᐅᖁᒣᑦᑑᒍᓐᓇᕆᐊᖓᓄᑦ ᐃᓄᓐᓄᑦ ᓄᓇᓕᒻᒦᑐᓄᑦ

ᐳᕙᓪᓗᑐᖃᓕᕈᓂ ᐅᖁᒣᑦᑐᒋᐊᓚᐅᑎᑦᓯᔪᖅ ᐃᓅᓯᕐᒥᒃ

ᐃᓄᐃᑦ ᐊᒥᓲᓂᒃ ᑲᒪᒋᔭᖃᕆᐊᖃᕇᑦᑐᑦ ᐃᓅᓯᕐᒥᓂ

ᓄᓇᓕᒻᒥᒃ ᕿᒣᒋᐊᖃᕐᓂᖅ
	ᐅᓚᐱᑦᓯᔪᒻᒪᕆᒃ ᐃᓄᐃᑦ ᐃᓅᓯᖓᓂᒃ ᐃᓄᑑᑎᕐᓇᓱᓂᓗ “ᓄᓇᓕᒐᓂᒃ ᕿᒣᒪᒍᒪᖕᖏᑐᖓ…” “ᐃᓄᐃᓪᓘᑑᔭᕐᖁᖓ ᖃᓪᓗᓈᑦ ᐊᒥᓱᐃᑦ ᐃᒻᒧᐊᓃᑦᓱᖓ” “ᑭᓇᓖ ᕿᑐᕐᖓᑲᓂᒃ ᑲᒪᓂᐊᕐᒪᑦ ᐊᐅᓪᓚᓯᒪᒋᐊᖃᓕᕈᒪ ᓄᓇᓕᒐᓂᑦ?”

ᐊᐅᓪᓚᓯᒪᓂᖅ
	ᕿᒣᒻᒋᐊᖃᕐᓂᖅ ᐱᓇᓱᒐᕐᒥᒃ ᐃᓕᓐᓂᐊᕕᒻᒥᓗᓐᓃᑦ. ᑕᑎᖃᕆᐊᖃᕐᓂᖅ ᐊᓯᒋᔭᓂᒃ ᓂᕿᓯᒋᐊᕐᑐᑕᐅᖃᑦᑕᓱᓂ/ᓂᐅᕕᕆᐊᕈᑦᔭᐅᖃᑦᑕᓱᓂ. ᐃᑲᔪᕆᐊᓪᓚᕕᖃᖕᖏᓂᖅ ᐃᓚᒋᔭᓂᒃ (ᑕᒃᑯᒧᑦ). “ᐃᓕᓐᓂᐊᑕᒃᑲᓂᒃ ᐱᔭᕇᖕᖏᓚᕿᒍᒪᖕᖏᑐᖓ…” “ᖃᓄᕐᓖ ᓂᕿᑖᖃᑦᑕᓂᐊᕋᒪ ᓂᐅᕕᕐᓂᐊᕕᓕᐊᕐᖃᔭᖕᖏᓗᖓ?” “ᖃᓄᕐᓖ ᑮᓇᐅᔭᓕᐅᕈᓐᓇᓯᐊᕐᓂᐊᕋᒪ ᐃᓚᒃᑲ ᓂᕆᒃᑲᕆᐊᖃᕐᓱᒋᑦ?”

ᐃᓅᖃᑎᖃᕐᓂᖅ ᐊᓯᒋᔭᓂᒃ
	"“ᖃᓂᒻᒪᓚᖀᒍᒪᖕᖏᑐᖓ ᐊᓯᒃᑲᓂᒃ…” “ᐃᓄᐃᑦ ᖃᓄᖅ ᐅᕙᓐᓂᒃ ᐅᖃᐅᓯᖃᖃᑦᑕᓚᖓᔪᑦ” “ᐃᓄᐃᑦ ᐅᕙᓐᓂᒃ ᐳᕙᓪᓗᓚᕿᓂᕃᖃᑦᑕᑐᑦ ᐹᑏᕐᑐᓂᑦᑐᕕᓂᐅᒐᒪᒎᖅ”

ᐄᕐᖃᒉᑐᕆᐊᖃᕐᓂᖅ
	ᖃᐅᑕᒫᑦ ᐱᔭᕆᐊᑐᔪᖅ ᐋᓐᓂᐊᕕᒻᒧᑦ ᐃᓯᒋᐊᕐᑐᑲᑦᑕᕆᐊᖅ “ᖃᓄᕐᓖ ᖃᐅᑕᒫᑦ ᐋᓐᓂᐊᕕᓕᐊᖃᑦᑕᓂᐊᕋᒪ?” “ᐃᓄᐃᑦ ᖃᐅᔨᓚᕿᓚᖓᔪᑦ ᐳᕙᓪᓗᒋᐊᕋᓂᒃ ᐋᓂᐊᕕᓕᐊᑲᑕᖃᑦᑕᓕᕈᒪ…” “ᕿᑐᕐᖓᑲᓂᒃ ᓇᑦᓴᓯᖃᑦᑕᕆᐊᖃᕐᓂᖅ ᖃᐅᑕᒫᑦ ᐱᔭᕆᐊᑐᔫᓚᖓᔪᖅ” “ᐃᓱᒫᓗᑦᑐᖓ ᐳᐃᒍᖃᑦᑕᓂᐊᖕᖒᓱᖓ ᐄᓯᒋᐊᒥᒃ ᐄᕐᖃᒐᒃᑲᓂᒃ”

ᑎᒥᒃ
	ᐳᕙᓪᓗᓇᖅ ᐄᖃᒉᓪᓗ ᓱᕐᕃᒍᓐᓇᑐᑦ ᑎᒥᓐᓂᒃ ᐃᓱᕐᕆᖏᑦᑑᑎᑦᓯᒍᓐᓇᓱᑎᓪᓗ “ᖃᓂᒪᓚᖓᓕᕐᖁᖔ ᑖᕗᖓᓕᒫᖅ?” “ᐳᕙᓪᓗᓇᕐᒧᑦ ᑐᖁᓚᕿᒍᒪᖕᖏᑐᖓ…” “ᐄᕐᖃᒉ ᐃᓱᕐᕆᖏᑦᑑᒋᐊᓪᓚᕈᑎᒋᖃᑦᑕᑕᒃᑲ…”

	ᑕᒪᒃᑯᐊ ᐊᑦᓱᕉᑕᐅᖏᐊᓪᓚᐸᒻᒥᔪᑦ ᐊᖓᔪᕐᖃᐅᔪᒧᑦ ᕿᑐᕐᖓᒥᓂᒃ ᐊᓯᒥᓂᓪᓗ ᑲᒪᒋᔭᖃᕆᐊᓕᒻᒧᑦ

ᑕᒪᒃᑯᐊᓕᒫᖑᒻᒪᑕ, ᐳᕙᓪᓗᓇᖅ ᑐᑭᓯᓂᕐᓗᑕᐅᓯᒪᓪᓚᕿᓲᖅ. ᑐᑭᓯᓂᕐᓗᓯᒪᓗᓂ ᐳᕙᓪᓗᓇᐅᑉ ᒥᑦᓵᓄᑦ ᐃᓄᒃ ᐊᓯᐅᒪᔫᔮᕈᓐᓇᑐᖅ ᐃᓄᑑᑎᓕᕐᓗᓂᓗᓐᓃᑦ. ᑐᑭᓯᓂᕐᓗᓯᒪᓂᖅ ᓇᕐᕈᕙᓪᓚᓂᕐᒥᒃ ᓄᐃᑎᕆᒍᑎᒻᒪᕆᐅᒻᒥᔪᖅ ᐃᓱᒫᓗᓐᓇᐅᑎᓂᓪᓗ ᐳᕙᓪᓗᓇᐅᑉ ᒥᑦᓵᓄᑦ.

ᑖᓐᓇ ᐊᑦᔨᖑᐊᖅ ᑕᑯᑦᓴᐅᑎᑦᓯᔪᖅ ᒪᒥᓴᕐᓂᖃᖕᖏᐸᑦ ᑕᒪᒃᑯᐊ ᓇᓛᒍᑦᓯᐊᖏᑦᑐᑰᕐᑎᑕᐅᒍᑏᑦ ᖁᐊᕐᓵᓇᕐᑐᑰᕐᓯᒪᓂᓪᓘᓃᑦ ᖃᓕᕆᓯᑐᐃᓐᓇᓲᑦ ᐃᓱᒪᓗᓐᓇᑐᓂᒃ ᐅᑉᐱᕆᔭᖃᕈᓐᓀᓂᕐᒥᓗ ᓄᐃᑎᕆᒍᑎᐅᓚᕿᑦᓱᑎᒃ. ᑕᒪᒃᑯᐊ ᖃᓕᕇᓕᕐᑐᑦ ᐅᖁᒣᓪᓗᕈᑎᒻᒪᕆᐅᓯᓲᑦ ᐃᓄᒻᒧᑦ, ᐃᓚᒋᔭᖏᓐᓄᑦ, ᓄᓇᓕᒻᒧᓗ.

ᐅᖃᐅᓯᕆᒐᑦᑎᒍᑕᒐ ᑕᒡᒐᓂ, ᐃᓄᒃ ᐳᕙᓪᓗᑐᖅ ᐊᑦᓱᕈᕐᓇᑐᒻᒪᕆᒃᑰᓲᖅ ᐳᕙᓪᓗᕈᓐᓀᕋᓱᐊᕐᓱᓂ. ᑕᒪᓐᓇ ᐳᐃᒍᕐᑕᐅᒋᐊᖃᖕᖏᓗᑐᕐᑐᖅ ᐅᐱᒋᔭᐅᑦᓯᐊᖃᑦᑕᕆᐊᖃᕐᒪᑕ ᐊᔪᐃᓐᓇᓂᕆᔭᖏᑦ ᑖᑦᓱᒪ ᐃᓅᑉ ᐃᓚᒋᔭᖏᑦᑕᓗ. ᐃᓄᐃᑦ ᐋᓐᓂᐊᓯᐅᑎᑑᒪᔪᑦ ᐃᑲᔪᕐᓯᒪᑐᐃᓐᓇᖏᓪᓚᑦ ᖃᓄᐃᖕᖏᓯᐊᕆᐊᖃᕐᓂᒥᓂᒃ ᑭᓯᐊᓂᓕᑦᑕᐅᖅ ᐃᑲᔪᕐᓯᒋᕗᑦ ᓄᓇᓕᓕᒫᑉ ᖃᓄᐃᖕᖏᓯᐊᕆᐊᖃᕐᓂᖓᓂᒃ.

ᑲᔪᓯᒋᑦ! ᑲᔪᓯᑕ ᐱᓇᓱᐊᖃᑎᒌᑦᓯᐊᓗᑕ!