ᐳᕙᓪᓗᑐᑦ ᐋᓐᓂᐊᓯᐅᑎᑐᕐᑎᑕᐅᓂᖓ
ᐳᕙᓪᓗᑐᑦ ᐋᓐᓂᐊᓯᐅᑎᑐᕐᑎᑕᐅᓂᖓᓂᒃ ᑐᑭᓯᓇᕐᑎᓯᒍᑏᑦ
ᐊᑦᔨᒍᐊᑦ ᒪᑉᐱᒉᓪᓗ/ᑐᑭᓯᒪᒍᑎᐅᒍᓐᓇᑐᑦ
ᓱᓇᒋᓐᓈ?
ᐋᓐᓂᐊᓯᐅᑐᕐᑎᑕᐅᓃᒃ ᐁᑦᑐᑑᑕᐅᒍᓐᓇᑐᒧᑦ ᓯᓂᑦᑑᓂᕋᕐᑕᒧᓪᓗ ᐳᕙᓪᓗᓗᓂ ᐊᑦᔨᒌᖕᖏᑑᒃ, ᑕᒪᕐᒥᒃ ᒪᕐᕉᓂᒃ ᐱᑦᔪᑎᖃᕐᓱᑎᒃ:
ᐃᑲᔪᕐᓯᒪᓂᖅ ᐃᓄᒻᒥᒃ
ᐃᓄᒃ ᒪᒥᓴᐅᑎᑐᕐᑎᓱᒍ ᑐᖁᑦᓯᒍᑎᐅᓂᐊᕐᑐᒥᒃ ᐳᕙᓪᓗᓇᐅᑉ ᖁᐱᕐᕈᑯᓗᖓᓂ ᖃᓂᒪᑎᑦᓯᔪᒥᒃ.
ᐃᑲᔪᕐᓯᒪᓂᖅ ᐃᓄᒻᒥᒃ
ᐱᒻᒪᕆᒃ (ᐃᓱᒪᒋᔭᐅᓪᓗᐊᓲᖑᖕᖏᑐᖅ) ᐃᓚᒋᔭᐅᔪᖅ ᐳᕙᓪᓗᑐᒥᒃ ᐋᓐᓂᐊᓯᐅᑎᑐᒪᑎᑦᓯᓂᕐᒧᑦ ᐃᑲᔪᕐᓯᒪᓂᐅᕗᖅ ᐃᓄᒻᒥᒃ (ᐃᓚᖏᓐᓂᐊᓛᑦ) ᒪᒥᓴᐅᑎᑐᕐᓂᖓᓂ. ᑖᓐᓇ ᐃᓱᒪᖃᕋᓱᐊᕐᓂᓕᒃ ᐅᖁᒣᑦᑐᑰᕈᑎᒋᒍᓐᓇᑕᖏᓐᓂᒃ ᐊᒥᓱᐃᑦ ᐃᓄᐃᑦ ᐅᖃᐅᑎᔭᐅᒪᓕᕐᓗᑎᒃ ᐳᕙᓪᓗᕆᐊᒥᒃ. ᐊᒥᓱᓂ ᐃᓄᓐᓂ, ᐄᕐᖃᒐᕐᑖᑎᑦᓯᒍᓗᑐᐃᓐᓇᓂᐅᖕᖏᑐᖅ. ᐊᑐᓂ ᐃᓄᐃᑦ ᐊᑦᔨᒌᖕᖏᑑᒻᒪᑕ ᐅᕝᕙᓗᓐᓃᑦ ᑭᖕᖑᒪᑦᓯᑐᐃᓐᓇᕆᐊᖃᕐᒪᑕ ᐊᑦᔨᒌᖕᖏᑐᓂᒃ ᐃᑲᔪᕐᑕᐅᒍᑎᓂᒃ. |  |
ᐃᑲᔪᕐᓯᒪᓂᖅ ᐃᓄᓐᒥᒃ - ᐄᕐᖃᕆᐊᖃᕐᓂᒧᑦ ᐸᕐᓇᓯᒪᐅᑎᓕᐊᖅ
ᐄᕐᖃᕆᐊᖃᕐᓂᒧᑦ ᐸᕐᓇᓯᒪᐅᑎᓕᐅᖃᑎᖃᕐᓂᖅ ᐃᓄᒻᒥᒃ ᐱᕕᖃᕐᑎᓯᕗᖅ ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎᒥᒃ ᓇᓗᓀᕐᓯᒍᓐᓇᖁᓪᓗᒍ ᓱᓀᑦ ᐃᑲᔪᕐᓯᒍᑎᐅᑦᓯᐊᖑᓂᕐᐸᐅᒐᔭᕐᒪᖔᑕ ᐃᓄᒻᒥᒃ. ᑖᒪᒃᑯᐊ ᐃᑲᔪᕐᓯᒪᒍᑏᑦ ᐃᒣᑦᑐᒍᓐᓇᑐᑦ, ᐱᖃᑎᖏᓐᓂᒃ ᐃᓚᖏᓐᓂᓗ ᐃᑲᔪᕐᓯᔨᐅᖃᑕᐅᒐᔭᕐᑐᓂᒃ ᓇᓗᓀᕐᓯᓂᖅ ᐅᕝᕙᓗᓐᓃᑦ ᖃᖓᐅᓕᕐᐸᑦ ᐄᓯᕕᑦᓴᕆᒋᐊᓕᖓ ᓇᒻᒪᓂᕐᐸᐅᒐᔭᕐᒪᖔᑦ. ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎ ᑲᔪᖏᕐᓭᒍᑎᐅᒍᓐᓇᑐᓂᒃ ᓄᐃᑦᓯᒍᓐᓇᒥᔪᖅ (ᐊᑐᐃᓐᓇᐅᑎᑕᐅᔪᓂᒃ ᐋᓐᓂᐊᕕᒻᒧᑦ) ᐃᑲᔪᕈᑎᐅᒐᔭᕐᑐᓂᒃ ᐃᓄᒻᒥᒃ ᐋᓐᓂᐊᓯᐅᑎᑐᕆᐊᖃᕐᓂᖓᓂ. ᖃᐅᔨᒐᓱᐊᑦᓯᐊᓗᒋᑦ ᓱᓀᑦ ᑲᔪᖏᕐᓭᒍᑎᐅᒍᓐᓇᑐᑦ ᐊᑐᐃᓐᓇᐅᒪᖔᑕ ᐊᑦᔨᒌᖕᖏᑑᒍᓐᓇᒪᑕ ᐊᑐᓂ ᐋᓐᓂᐊᕕᓐᓂ.
ᓇᐅᓕᒫᓂᒃ ᖃᓄᐃᖕᖏᓯᐊᕐᑎᓯᒐᓱᐊᕐᑎ ᐃᑲᔪᕋᓱᐊᕐᑐᓴᑑᖕᖏᑐᑦ ᐃᓄᒻᒥᒃ ᐳᕙᓪᓗᓗᓂ ᐋᓐᓂᐊᓯᐅᑎᑐᕆᐊᖃᕐᑎᓗᒍ. ᐳᕙᓪᓗᑐᓕᕆᔩᑦ ᐋᓐᓂᐊᓯᐅᕐᑏᑦ, ᐋᓐᓂᐊᓯᐅᕐᑎᒪᕇᑦ ᐊᓯᖏᓪᓗ ᐱᓇᓱᑦᑏᑦ ᐱᕕᓕᒫᒥᒍᑦ ᐃᑲᔪᕋᓱᐊᕆᐊᖃᕐᒥᔪᖅ ᐃᓄᒻᒥᒃ ᐋᓐᓂᐊᓯᐅᑎᑐᕆᐊᓕᒻᒥᓂᒃ ᐱᔭᕇᑦᓯᐊᖁᓪᓗᒍ.
ᒪᒥᓴᐅᑏᑦ ᐄᖃᒉᓪᓗ
ᐊᑦᔨᒌᖕᖏᑐᑦ ᒪᒥᓴᐅᑏᑦ ᐱᔭᐅᔪᑦᓴᓕᐊᖑᓲᑦ ᐋᓐᓂᐊᓯᐅᕐᑎᒪᕆᒻᒧᑦ ᒪᒥᓴᕈᑎᒋᓂᐊᕐᒪᖏᑦ ᐃᓅᑉ ᐳᕙᓪᓗᕈᑎᓕᐅᑉ ᐁᑦᑐᑑᑕᐅᒍᓐᓇᑐᒥᒃ ᓯᓂᑦᑑᓂᕋᕐᑕᒥᓪᓘᓃᑦ. ᒪᒥᓴᐅᑏᑦ ᑐᖁᑦᓯᒍᑎᑦᓯᐊᕌᓗᐃᑦ ᐳᕙᓪᓗᓇᐅᑉ ᖁᐱᕐᕈᑯᓗᖓᓂᒃ ᐊᒻᒪᓗ ᐊᒥᓲᓲᖑᑦᔭᒐᑎᒃ ᐃᑉᐱᓂᐊᓚᕿᒍᑏ ᓱᕐᕋᑕᐅᒪᒍᑏᑦ ᐋᓐᓂᐊᓯᐅᒧᑦ.
ᐅᑯᐊᑕᒐ ᐆᑦᑐᕋᐅᑏᑦ ᖃᓄᐃᑑᒪᖔᑕ ᐄᕐᖃᒉᑦ. ᐊᑦᔨᒌᖕᖏᑐᓂᒃ ᑕᐅᑦᑐᖃᕈᓐᓇᒥᔪᑦ ᒥᑭᔫᒍᓐᓇᓱᑎᓪᓗᓃᑦ ᐊᖏᓂᕐᓴᐅᒍᓐᓇᓱᑎᓪᓘᓃᑦ ᒪᒥᓴᐅᑎᑦᓭᓇᐅᓗᑎᒃ.