ᐳᕙᓪᓗᓇᕐᒧᑦ ᒪᒥᓴᕐᑐᖅ
ᑐᓴᕐᑎᓯᓕᑌᓐᓇᕈᑏᑦ ᐳᕙᓪᓗᑐᒥᒃ ᒪᒥᓭᒍᑎᓂᒃ
ᐊᑦᔨᖑᐊᑦ ᖁᑉᐱᒉᓪᓗ/ᑐᑭᓯᐅᑎᑦᓭᑦ ᑌᒣᑦᑐᓄᑦ
ᓱᓇᐅᕙ
ᒪᒥᓭᒍᑏᑦ ᓂᒪᕐᑐᓂᒃ ᐊᒻᒪᓗ ᕿᑲᕐᑐᓂᒃ ᐳᕙᓪᓗᓇᕐᓂᒃ ᐊᑦᔨᒌᖕᖏᑑᒃ, ᑭᓯᐊᓂ ᑕᒪᖏᒃ 2-ᓂᒃ ᐃᓚᓖᒃ:
ᓴᐳᑦᔨᓗᒍ ᐃᓄᒃ ᐊᒻᒪᓗ
ᐁᑦᑐᓗᒍ ᐃᓄᒃ ᖁᐱᕐᕈᐊᕈᓯᕐᓂᒃ ᑐᖁᓭᒍᑎᓂᒃ ᑐᖁᓂᐊᕐᒪᑕ ᐳᕙᓪᓗᓇᐅᑉ ᖁᐱᕐᕈᐊᕈᓯᖏᑦ ᖃᓂᒪᒍᑎᖏᑦ.
ᓴᐳᑦᔨᓗᒍ ᐃᓄᒃ
ᐱᒻᒪᕆᒃ (ᑭᓯᐊᓂ ᐃᓚᖓᓂ ᖄᖐᓐᓇᑕᐅᖕᖑᓱᓲᖅ) ᐃᓚᐅᑎᓗᒍ ᐳᕙᓪᓗᓇᕐᒧᑦ ᒪᒥᓴᕐᓂᒧᑦ ᓴᐳᑦᔨᓯᒪᓂᖅ ᐃᓄᒻᒥᒃ (ᐊᒻᒪᓗ ᓇᓪᓕᑎᖏᓐᓂᐅᔪᑦᓴᐅᕗᖅ) ᐄᕐᖃᓂᖏᓐᓂᒃ ᖁᐱᕐᕈᐊᕈᓯᕐᓂᒃ ᑐᖁᓭᒍᑎᓂᒃ. ᑖᓐᓇ ᑲᒪᒋᔭᖃᕐᓂᖅ ᐃᓱᒪᒋᔭᐅᓂᖏᓐᓄᑦ ᐱᔭᕐᓃᑐᒃᑰᓚᕿᓲᒍᓂᖏᑦ ᐊᒥᓱᑦ ᐃᓄᐃᑦ ᐳᕙᓪᓗᕆᐊᖏᑦ ᐅᖃᐅᑎᔭᐅᑦᓱᑎᒃ. ᐊᒥᓱᑦ ᐃᓄᐃᑦ, ᐄᒐᕐᓂᒃ ᐁᑦᑐᑕᐅᓂᑐᐃᓐᓇᖅ ᓈᒻᒪᖏᒻᒪᑦ. ᐊᑐᓃᕐᑎᑐᑦ ᐃᓄᐃᑦ ᐊᑦᔨᒌᖕᖏᒪᑕ, ᐊᒻᒪᓗ ᑭᖕᖒᒪᑦᓯᒍᓇᐅᓲᒍᑦᓱᑎᒃ ᐱᒍᒪᑦᓱᑎᓗ ᐊᑦᔨᒌᖕᖏᑐᑎᒍᑦ ᓴᐳᑦᔭᐅᒍᒪᑦᓱᑎᒃ. |  |
ᐃᓄᒻᒥᒃ ᓴᐳᑦᔨᓯᒪᓂᖅ - ᒪᒥᓴᕐᓂᒧᑦ ᐸᕐᓀᒍᑎᒃ
ᓄᐃᑦᓯᖃᑎᒋᓗᒍ ᒪᒥᓴᕐᓂᒧᑦ ᐸᕐᓀᒍᑎᒥᒃ ᐃᓄᒃ PHO-ᒥᒃ ᓇᓗᓀᕐᓯᒍᓐᓇᓚᖀᑎᑦᓯᔪᖅ ᖃᓄᖅ ᓴᐳᑦᔨᒍᑏᑦ ᐃᑲᔪᕐᓯᒪᒍᑎᐅᓂᕐᐸᐅᒍᓐᓇᒪᖔᑕ ᑖᑦᓱᒥᖓ ᐃᓄᒻᒥᒃ. ᑖᒃᑯᐊ ᓴᐳᑦᔨᐅᑏᑦ ᐃᒣᑦᑑᒍᓐᓇᑐᑦ ᐆᑦᑑᑎᒋᓗᒋᑦ ᓄᐃᓗᒋᑦ ᓴᐳᑦᔨᐅᑎᖏᑦ ᐃᓚᓐᓈᖏᑦᑕ ᐊᒻᒪᓗ ᐃᓚᖏᑦᑕ ᐅᕝᕙᓘᓐᓃᑦ ᐄᒐᕐᑐᕆᐊᓕᒥᓂᒃ ᐄᓯᖃᑦᑕᕕᑦᓴᖓ ᖃᖓᐅᖃᑦᑕᓗᓂ ᐃᓱᕐᕆᓇᕐᓂᐸᐅᓂᐊᕐᒪᖔᑦ. PHO ᐱᔪᑦᓴᐅᔮᕐᑎᓯᐅᑎᑦᓴᓂᒃ ᐅᖃᕈᓐᓇᒥᔪᖅ (ᒪᓂᔭᐅᔪᓂᒃ ᐋᓐᓂᐊᓯᐅᑎᒃᓄᑦ) ᐃᑲᔪᕐᓯᐅᑎᐅᓚᖓᔪᓂᒃ ᐃᓄᒻᒥᒃ ᒪᒥᓴᕐᓂᖓᓂ. ᐱᐅᔫᓚᖓᔪᖅ ᖃᐅᔨᒐᓱᐊᕐᓗᒋᑦ ᐱᔪᑦᓴᐅᔮᕐᑎᓯᐅᑏᑦ ᐊᑐᐃᓐᓇᐅᑎᑕᐅᔪᑦ ᐃᓘᓐᓀᓂ ᐋᓐᓂᐊᓯᐅᑎᒃᑯᓂ ᐊᑐᓂᑦ ᐊᑦᔨᒌᓲᒍᖕᖏᑐᑦ.
ᑲᒪᒋᔭᐅᒋᐊᓕᒃ ᐃᑲᔪᕐᓯᔭᐅᓂᖓ ᐃᓅᑉ ᐳᕙᓪᓗᓱᓂ ᒪᒥᓴᕐᑑᑉ ᑖᓐᓇᑐᐊᒧᑦ PHO-ᒧᑦ ᐃᓄᑑᑦᔭᐅᒍᓐᓀᓗᓂ. ᐳᕙᓪᓗᓇᕐᑐᓕᕆᔩᑦ ᐋᓐᓂᐊᓯᐅᑏᑦ, ᐋᓐᓂᐊᓯᐅᑎᐊᓗᐃᑦ ᐊᒻᒪᓗ ᐊᓯᖏᑦ ᐱᓇᓱᑦᑏᑦ ᐊᔪᐃᓐᓇᕈᑎᖃᕆᐊᓖᑦ ᐃᑲᔪᕐᓯᒪᒐᓱᐊᕐᓗᒍ ᐃᓄᒃ ᒪᒥᓴᐅᑎᓂᒃ ᓄᖒᑦᓯᓯᐊᕋᓱᐊᕐᑎᓗᒍ.Antibiotics & Pills
ᐊᒥᓱᐃᑦ ᖁᐱᕐᕈᐊᕈᕐᓂᒃ ᑐᖁᓭᒍᑏᑦ ᐄᕐᖃᑕᐅᑎᑕᐅᒋᐊᖃᓲᑦ ᐋᓐᓂᐊᓯᐅᑎᐊᓘᑉ ᓇᓗᓀᕐᑕᖏᓐᓂ ᒪᒥᓭᒍᑎᐅᓚᖓᑎᓪᓗᒋᑦ ᐊᒻᒪᓗ ᐋᕐᖀᓗᑎᒃ ᐃᓄᒻᒥᒃ ᓂᒪᕐᑐᓂᒃ ᐅᕝᕙᓘᓐᓃᑦ ᓯᓂᑦᑐᓂᒃ ᐳᕙᓪᓗᓇᕐᑕᓕᒻᒥᒃ. ᖁᐱᕐᕈᐊᕈᕐᓂᒃ ᑐᖁᓭᒍᑏᑦ ᑐᖁᑦᓯᒍᓐᓇᓯᐊᕐᑐᑦ ᐳᕙᓪᓗᓇᐅᑉ ᖁᐱᕐᕈᐊᕈᖏᓐᓂᒃ ᐊᒻᒪᓗ ᓱᒃᑯᐃᓚᖀᓗᑭᓲᒍᒐᑎᒃ ᒪᒥᓴᐅᑕᐅᑦᓱᑎᒃ ᐅᑯᐊᒍᑦᓱᑎᒃ.
ᑖᒃᑯᐊ ᐆᑦᑑᑎᑐᐃᓐᓀᑦ ᐄᕐᖃᑕᐅᒋᐊᓖᑦ ᖃᓄᐃᑦᑑᓲᒍᒻᒪᖔᑕ. ᑕᐅᑦᑐᖃᕈᓐᓇᑐᑦ ᐊᑦᔨᒌᖕᖏᑐᓂᒃ ᐅᕝᕙᓘᓐᓃᑦ ᐊᖏᓂᖏᑦ ᑖᒃᑯᓭᓐᓇᐅᒐᓗᐊᕐᓱᑎᒃ ᖁᐱᕐᕈᐊᕈᕐᓂᒃ ᑐᖁᓭᒍᑏᑦ.